Inte la piaza pì granda del paes, inte na palazina del quatrozento apéde la gesia, l é el Museo dedicà a Papa Luciani, enprimà ufizialmente el vintisiéi de agost del doimila e sedes dal Segretario de Stato Vaticano, el Cardinal Pietro Parolin.

El museo l é gestì da la Fondazione Papa Luciani Onlus, nassuda de l doimila e nof.

L’esposizion permanente la è stada fata par fa cognese la vita e la lezion de papa Giovanni Paolo I. La grandeza de la figura de Albino Luciani la vien anca dal contesto storico onde che l é nassù e cressù: la vegia Piéf de Canal, che l’ha vedù madurà la sua vocazion e l’ha formà la so personalità. El “moderno percorso multimediale”, con video, teche iluminade e paniéi co le descriziogn, el ghe fa vive a chi che visita cala che l’era l’atmosfera de la tera che ha fat nasse el famoso Papa del e Dolomiti.
Daspò n’introduzion su l ambiente de la montagna de la fin del XIX secolo e na descrizion del Piovàn Don Antonio Della Luzia – che l’ha fat cognésse el cooperativismo par tuta l’Italia – se pasa a cognésse la vita del futuro Papa, da cande che l era en pòpo e pò co l era doven, a partì da varie ròbe: da la colana che la mama la avea vendù par ghe pagà i studi en Seminario, a le pagele de la Scola elementar; da l armonium onde che l avea emparà a sonà, ai liber e ala valiseta del Seminario; da i soi documenti personai, ai vestì dorài co l era vescovo, patriarca e Papa; da l calice che l ha dorà en te i soi ultim dì, fin ai ociai che l avea su co l’é mancà.

En sarvìse de audioguida par set lingue el ghe daida a capì el percorso a dent che descor ingles, todesch, franzese, spagnol, portoghes, polacco e taliàn.

El museo l é nasù anca grazie a l impegno de l’Aministrazion comunal de Canal. Ente la sede de la Fondazione Papa Luciani – che la é nassuda ente l doimila e nof, la menèstra el Museo e la pensa a sarvìse de visite co la guida par daidà chi che vén a véde e i pelegrign – l é stat metù su anca en centro studi e na biblioteca specializada par responde ai besogn de chi che studia. Sta istituzion la bina aùna documenti, foto, ròbe e liber che se refà a Papa Luciani e ai loc che le ha formà, specie la Val del Biois, che el le ha vist nase e crese.