Taibon, piciol paes del Agordin a 628 m, l se leva su anter grande crode e na olta l era n loch de bacan e malgher. Per chesta reson, l ligam coi mestier de la so dent ntei ani endrio, se fa vede fora co na architetura poareta ma che l à mancegnù le so bele forme nte calche cantonet pien de storia, e l à metù apede i mur de petum, per lassà bel larch a vare e camp.
L é vera che l é tut do nte la val, ma l paes l à anca robà tòch al bosch se le gerte le permetea, o anca a le coste pi soladive e arse là da vesin. I lo fea col fà su taren a sbalz, onde che se podea semenà solche daspò avé menà su co la schena nuda la tera che ocorea; e sincaso che vegnisse sech, se tochea springà le sturtade sui camp co l’aiva tramudada su su le spale.
Logà su l’entrada de la Val de San Lugan, Taibon l se stravaca anter l Tegnas e l Cordeol. L se caza inte onde che i doi ru i se bina, col desegnà chele vedude maraveose con sora l Agner, le Pale de San Lugan e i crepoi a medodì del Zevita. L paes l se slarga fora onde che la morfologia, ntei ani anorum, la à permetù che nassesse là la prima colonisazion: co le so vile desvalive ma tacade al capoloch da n cin de canesele storiche, piaseole da ghe caminà, che le soravif encora, en barba al se move dal didancoi fat per le machine e per chi che l é semper de pressa.
Dal dainte de la vila de Taibon, daspò l pont sul Cordeol, velo là Santoprian col so bisù del ‘300 sot al dopio spiz toront del Framont; entant che ndon su per la val, vela l’aial de fabriche de Nogarola: da la cartiera Pastalegno a le moderne e sofisticade teconolgie del ocial; Ristolade, portech per la Corpassa vers l Zevita su alt; se olton i barch da chel alter vers l é i Coi de Peden, arente la strada che riva a le masiere del Forte del ‘800; Peden, encrosadura de strade onde che del 1929 i à fat su la nova parochial dedicada a la Beata Vergine Dolorata; Vilanova, da la architetura via dreta, la é nassuda per via de na boa da le Zime d’Ambrosogn; Val, vecia senta de na fusina che la custodis l us de la Val de San Lugan sparonzonà dal Agner e da le Pale; Secol, pi alt là sora, picà su anter l bosch e vèrt a medanot; Campedel e Le Coste che le varda fit Agort; Serach, spianada vanzada da n conoide; Col de Carera co le case rampinade su le piante, davant de serà su l anez del Viaz de le Vile.
Taibon, a small village in the Agordino at 628 meters, nestled between large mountains, was once a community of farmers and herders. For this reason, memories of the ancestral occupations of its inhabitants are expressed in simple architecture, which in some historic corners has preserved its dominant features, concentrating urbanization in favor of cultivated spaces.
On the valley floor, but also by encroaching on the forest if the slope allowed it, or on the sunnier and drier adjacent slopes, terracing was built where sowing could only be done after carrying the necessary soil on one’s back; here, in case of drought, the crops had to be irrigated by carrying water on one’s back.
Located at the entrance to the San Lucano Valley, Taibon stretches between Tegnas and the Cordevole. It sits at the confluence of the two streams, outlining the splendid landscape dominated by the Agnèr, the Pale di San Lucano, and the southern ridges of the Civetta, then expanding where the terrain allowed the settlement of the first colonization: with its various villages connected to the main town by a series of historic paths, pleasant to walk, which still survive, despite modern roads designed for cars and for those always in a hurry.
From the center of Taibon, after the bridge over the Cordevole, you reach S. Cipriano, with its 14th-century gem beneath the double rounded cusp of Framont; ascending the valley, you encounter the industrial area of Nogarola: from the Pastalegno paper mill to the modern and sophisticated technologies of eyewear; Listolade, heading towards the magnificent Civetta; going in the opposite direction is Coi de Peden, along the road with the ruins of the 19th-century fort of the same name; Peden, a crossroads of roads where, in 1929, the parish church dedicated to the Blessed Virgin Mary of Sorrows was built; Villanova, with its linear architecture, born from the landslide of the Cime d’Ambrosogn; Forno di Val, an ancient forge site, guarding the entrance to the San Lucano Valley, dominated by the Agnèr and the Pale; Soccòl, higher up, nestled in the forest and open to the north; Campedel and Le Coste, in sight of Agordo; Serach, a glacial remnant; Col de Carera, with houses clinging to the steep slope, before closing the loop of the Viaz de le Vile.